Beattie og Pulis hafa grafið stríðsöxina

Tony Pulis, stjóri Stoke, segist vera búinn að grafa stríðsöxina við James Beattie og það verði ekki frekari eftirmálar af slagsmálum þeirra tveggja í búningsklefanum eftir tapið gegn Arsenal.

„Við áttum fund með leikmönnum á mánudag og svo höfum við James líka fundað saman. Hvað mig snertir er búið að útkljá þetta mál og við horfum nú fram á veginn," sagði Pulis.

Hann var annars ósáttur við að fréttin um slagsmálin skildu leka í fjölmiðla. Pulis sagði að það sem gerðist í búningsklefanum ætti ávallt að geyma þar.