Ívar snýr aftur í kvöld - hefur ekki spilað síðan í janúar

Varnarmaðurinn Ívar Ingimarsson mun leika með varaliði Reading í kvöld í æfingarleik sem leikinn verður fyrir luktum dyrum en Ívar hefur ekkert getað leikið með Reading síðan í janúar vegna hnémeiðsla.

Ívar hóf að æfa á nýjan leik í síðsta mánuði og er allur að koma til og þarf nú bara að komast í leikform.

„Mér gekk vel í endurhæfingunni og vonandi næ ég að spila eins og einn hálfleik í kvöld. Svo stefni ég á að spila tvo til þrjá varaliðsleiki til þess að verða tilbúinn til þess að snúa aftur í alvöruna með aðalliðinu," segir Ívar í viðtali netmiðilinn getwokingham.