Svikulum Frökkum vísað úr landi

Tveimur frönskum ríkisborgurum var vísað frá Íslandi í gær en við ákvörðunina beitti Útlendingastofnun frávísunarheimld í útlendingalögum þar sem skírskotað er til allsherjarreglu og almannaöryggis.

Mennirnir komu til landsins að kvöldi þriðjudagsins 10. nóvember frá London Heathrow. Við afskipti lögreglu vaknaði grunur um að þeir væru hingað komnir í ólögmætum tilgangi.

Í samvinnu við tollgæslu fannst í fórum mannanna búnaður sem ætlaður er til að svíkja fé af fólki með blekkingum og fölsun Evruseðla. Sams konar búnaður hefur áður verið tekinn af mönnum sem hingað hafa komið í sama tilgangi.