Hafa flutt út 80 tonn af sælgæti frá áramótum

Útflutningur á íslensku sælgæti hefur tekið kipp í efnahagskreppunni og er sælgætisgerðin Freyja komin í útrás. Fyrirtækið hefur sent út um 80 tonn af súkkulaði og öðru góðgæti frá áramótum.

Það eru frændur okkar á hinum Norðurlöndunum sem eru hvað sólgnastir í íslenskt sælgæti - Draumur og Rís eru í uppáhaldi. Í fimm ár hafa forsvarsmenn sælgætisgerðarinnar Freyju unnið að því að efla útflutning fyrirtæksins, það gekk hægt í byrjun, en er að skila sér nú.

Freyja hefur framleitt gotterí ofan í landsmenn frá árinu 1918 og segir Ævar innanlandsmarkaðinn einnig í nokkurri uppsveiflu. Um 60 til 70 manns vinna hjá Freyju, þar af eru erlendir starfsmenn margir, enda erfitt að fá Íslendinga til starfa, þrátt fyrir erfitt efnahagsástand. Hann segir að heldur sé verið að bæta í en hitt.