Múm fyrst á Gogoyoko

Nýjasta plata hljómsveitarinnar múm, Sing Along to Songs You Don't Know, verður fáanleg á síðunni Gogo­yoko.com frá og með mánudeginum 17. ágúst. Þetta þýðir að platan verður fyrst fáanleg í heiminum á síðunni. Platan kemur formlega út í Evrópu 24. ágúst hjá Morr Music og sama dag hjá Euphoni í Norður-Ameríku.

Skráðir notendur Gogo­yoko.com geta því frá og með mánudeginum hlustað á þessa nýju plötu í heild sinni. Þótt þjónustan sé í dag aðeins opin notendum á Íslandi verður platan fáanleg til kaups um heim allan á sértakri gátt á síðunni.