Umfjöllun: Frækinn sigur hjá Fylki gegn Val

Fylkir skaust í þriðja sætið með góðum, 1-0, baráttusigri á Val í kvöld í leik þar sem fátt gerðist fyrr en 20 mínútur voru eftir.

Bæði lið hafa sýnt betri sóknartilburði í sumar en í kvöld og þá var fyrri hálfleikur sérstaklega bragðdaufur. Reynir Leósson bjargaði á línu snemma leiks og kom aftur í veg fyrir að Fylkir skoraði seint í hálfleiknum en þess fyrir utan var fátt um færi.

Valsmenn hófu síðari hálfleikinn á dauðafæri en leikurinn var sama miðjuþófið þar til 20 mínútur voru eftir. Þá varði Fjalar í þrígang vel í marki Fylkis og virtist sem Valsmenn væru að komast í gang. Leikur liðsins gekk betur fram á við en áður í leiknum og virtust glufur vera að myndast í vörn Fylkis en skyndilega komust gestirnir úr Árbænum í sókn og Haraldur markvörður Vals braut klaufalega á Ingimundi í teignum og víti dæmt.

Valur Fannar lét Harald verja slakt vítið en Kjartan Andri fylgdi vel á eftir og kom boltanum í netið.

Valsmenn létu mótlætið var í taugarnar á sér og hættu stutta spilunu og hófu kýlingar fram á ný með sama árangri og áður, engin voru færin. Fylkismenn hefðu hins vegar hæglega getað gert út um leikinn þegar Ingimundur lék á Harald en skaut í hliðarnetið með opið mark fyrir framan sig.

Valsmenn refsuðu Fylki ekki fyrir mistökin og því er Fylkir í þriðja sæti en Valur situr eftir í sjötta sæti.

Valur-Fylkir 0-1

0-1 Kjartan Andri Baldvinsson ´76

Vodafonevöllurinn. Áhorfendur: 1.154

Dómari: Valgeir Valgeirsson 5

Skot (á mark): 7-12 (5-7)

Varið: Haraldur 5 - Fjalar 5

Aukaspyrnur: 13-7

Horn: 8-3

Rangstöður: 2-3

Valur 4-4-2:

Haraldur Björnsson 5

Steinþór Gíslason 5

(63. Pétur Georg Markan 5)

Reynir Leósson 6

Atli Sveinn Þórarinsson 5

Bjarni Ólafur Eiríksson 5

Ólafur Páll Snorrason 4

Baldur Bett 4

Sigurbjörn Örn Hreiðarsson 5

(78. Guðmundur Steinn Hafsteinsson -)

Viktor Unnar Illugason 3

(66. Guðmundur Viðar Mete 4)

Arnar Gunnlaugsson 4

Helgi Sigurðsson 6

Fylkir 4-3-3:

*Fjalar Þorgeirsson 7 Maður leiksins

Andrés Már Jóhannesson 7

Kristján Valdimarsson 6

Ólafur Ingi Stígsson 6

Þórir Hannesson 5

(55. Theódór Óskarsson -

(63. Kjartan Andri Baldvinsson 6))

Valur Fannar Gíslason 5

Ásgeir Börkur Ásgeirsson 6

Halldór Arnar Hilmisson 5

Ingimundur Níels Óskarsson 6

Jóhann Þórhallsson 5

(58. Pape Mamadou Faye 6)

Kjartan Ágúst Breiðdal 6