Fjöldi góðra gesta

Fjöldi góðra gesta kemur við sögu á útgáfutónleikum Sigríðar Thorlacius og Heiðurspilta í Austurbæ í kvöld. Þar verður fagnað útkomu plötunnar Á Ljúflingshól sem er samsafn laga Jóns Múla Árnasonar við texta bróður hans Jónasar.

Faðir þeirra Sigurðar Guðmundssonar úr Hjálmum og Guðmundar Óskars úr Hjaltalín mun koma fram á tónleikunum og þar að auki verður Ragnheiður Ásta, þula og ekkja Jóns Múla Árnasonar, sérstakur heiðursgestur.

Einnig verður leikkonan Guðrún Ásmundsdóttir í hlutverki sögumanns en hún og bræðurnir voru miklir félagar og hefur hún því frá mörgu að segja. Tónleikarnir hefjast stundvíslega klukkan 21 og aðgangseyrir er 2.500 krónur.