Kolo Toure verður fyrirliði hjá Manchester City

Mark Hughes, stjóri Manchester City, hefur ákveðið að Kolo Toure taki við fyrirliðabandinu af Richard Dunn sem félagið seldi á dögunum til Aston Villa. Toure er aðeins búinn að vera í rúman mánuð hjá City sem keypti hann frá Arsenal í haust.

„Hann hefur alla kosti sem fyrirliði þarf að hafa. Hann hefur smitandi baráttuanda, er viðkunnanlegur og talar mikið í búningsklefanum og utan vallar. Hann vill líka ná árangri með félaginu," sagði Hughes.

„Við erum heppnir að hafa þannig hugarfar í liðinu því það eru margir leikmenn í liðinu sem gætu borið fyrirliðabandið. Kolo er samt besti kosturinn," sagði Hughes.

Fyrsti leikur Kolo Toure sem opinber fyrirliði Manchester City verður einmitt á móti hans gömlu félögum í Arsenal um helgina en Toure hefur reyndar borið fyrirliðabandið hjá Manchester City í undanförnum tveimur leikjum.