Dennis Siim í hóp hjá FH í kvöld

Tveir leikir eru í Pepsi-deild karla í kvöld. ÍBV og Stjarnan eigast við í nýliðaslag klukkan 19:15 og FH tekur á móti Breiðabliki klukkan 20 í beinni útsendingu á Stöð 2 Sport.

Dennis Siim snýr aftur í leikmannahóp FH í kvöld en hann hefur glímt við meiðsli. Atli Viðar Björnsson kemur einnig aftur inn í hópinn. Sverrir Garðarsson er tæpur eftir að hafa meiðst gegn Aktobe á miðvikudaginn en ætti að vera klár í slaginn.

Fylgst verður grannt með gangi mála í leikjunum í kvöld á Boltavakt Vísis.