Gunnar Már: Crewe er spennandi kostur

„Ég veit ekki alveg hvar málin standa," segir Gunnar Már Guðmundsson, leikmaður Fjölnis, sem er sterklega orðaður við Crewe í enskum fjölmiðlum. Guðjón Þórðarson, stjóri Crewe, segist vera nálægt því að krækja í Gunnar.

„Mér finnst Crewe vissulega vera spennandi kostur og lýst vel á þá aðstöðu sem félagið er með þarna," segir Gunnar Már sem hefur allan sinn feril leikið í búningi Fjölnis og á stóran þátt í uppgangi Grafarvogsliðsins undanfarin ár.

Gunnar æfði um tíma með Crewe á síðasta tímabili en þá féll liðið úr ensku C-deildinni.