Innlent

Fjölgar ört í hópi þeirra sem vilja minnisvarða um Helga

Magnús Már Guðmundsson skrifar
Lögð voru í gær blóm og eftirlíking af einu frægasta skilti Helga, „Hver skapaði sýkla" við strætisvagnabekk á horni Langholtsvegar og Holtavegar þar sem hann stóð gjarnan með skilti sín. Mynd/GVA
Lögð voru í gær blóm og eftirlíking af einu frægasta skilti Helga, „Hver skapaði sýkla" við strætisvagnabekk á horni Langholtsvegar og Holtavegar þar sem hann stóð gjarnan með skilti sín. Mynd/GVA

Síðustu daga hafa margir minnst Helga Hóseassonar sem oft hefur verið nefndur mótmælandi Íslands, en hann lést síðastliðinn sunnudag. Á tæpum sólarhring hefur fjölgað um 10 þúsund manns í hópi á samskiptasíðunni Facebook sem vill reisa Helga minnisvarða á horni Langholtsvegar og Holtavegar þar sem hann stóð gjarnan með skilti sín.

Í gær lögðu margir leið sína að horninu og lögðu blóm á strætisvagnabekk sem þar stendur.

Á dánardag Helga var hópurinn stofnaður á Facebook. Á ellefta tímanum í gærmorgun voru rúmlega 2000 skráðir meðlimir í hópnum en nú tæpum sólarhring síðar hafa meira en 12 þúsund manns skráð sig í hópinn. Meðal þeirra sem vilja reisa minnisvarða um Helga er borgarfulltrúarnir Björk Vilhelmsdóttir og Oddný Sturludóttir.














Tengdar fréttir

Helgi Hóseasson látinn

Helgi Hóseasson lést á elliheimilinu Grund í morgun, 89 ára að aldri. Helgi sem hefur verið nefndur mótmælandi Íslands fæddist í Höskuldstaðarseli í Breiðdal þann 21.nóvember árið 1919. Hann var næst elstur fjögurra systkina.

Margir minnast Helga Hós

„Mér þætti það ferlegt ef allar stundirnar sem karlinn stóð hérna á horninu myndu bara gleymast,“ segir Alexander Einarsson, stofnandi Facebook-síðu um það baráttumál að minnisvarða verði komið upp um Helga Hóseasson á horni Langholtsvegar og Holtavegar. Þar stóð Helgi með sín heimatilbúnu skilti og ávann sér sæmdarheitið „Mótmælandi Íslands“. Helgi lést á elliheimilinu Grund á sunnudaginn, 89 ára að aldri.

Tvö þúsund manns vilja reisa minnisvarða um mótmælanda Íslands

Rúmlega 2000 manns vilja reisa minnisvarða um Helga Hóseasson sem lést á elliheimilinu Grund í gærmorgun, 89 ára að aldri. Helgi hefur oft verið nefndur mótmælandi Íslands. Einna þekktastur var Helgi fyrir kröftug mótmæli sín gegn ríki og kirkju en hann vildi ógilda skírnarsáttmála sinn.

Mest lesið


Fleiri fréttir

Sjá meira


×

Mest lesið