Tony Adams: Arsenal verður ekki enskur meistari á þessu tímabili

Tony Adams, fyrrum fyrirliði Arsenal, segir Arsenal-liðið vera í stöðugri framför en þeir séu þó enn ekki tilbúnir að fara að keppa um enska meistaratitilinn af einhverri alvöru.

„Þeir eru komnir mjög nálægt bestu liðunum. Arsene vill sanna það að hann geti unnið titilinn með þessum leikmannahóp og ég vona að það takist hjá honum," sagði Adams en hann telur jafnvel að þrjóskan í Arsene Wenger að búa til lið úr ungum leikmönnum gæti verið nóg til þess að drífa Arsenal-liðið áfram upp metorðastigann.

„Þó að ég vonist til þess að þetta takist hjá honum og Arsenal verði meistari í ár þá tel ég að þeir séu ekki alveg komnir nægilega langt til þess að ná því," sagði Adams.