Stuðningsmenn City kölluðu Robinho af bekknum

"Þú veist ekki hvað þú ert að gera," kölluðu stuðningsmenn Manchester City að Mark Hughes, stjóra liðsins, eftir að það lenti undir gegn Fulham í dag. City tapaði leiknum 1-3 á heimavelli.

Stuðningsmennirnir heimtuðu síðan að Robinho yrði settur inn á en Brasilíumaðurinn byrjaði leikinn á bekknum. Hann kom að lokum inn á en blés engu lífi í hugmyndasnauðan leik City.

Hughes segir að Robinho hafi þurft á hvíldinni að halda. "Ég er að reyna að vernda leikmennina," sagði stjórinn og staðfesti að Robinho yrði í byrjunarliðinu gegn Hamburg næsta fimmtudag.

Leikmaðurinn hefur verið gagnrýndur nokkuð mikið undanfarið. Hann skorað tólf mörk í nítján fyrstu leikjunum sínum en hefur síðan ekki skorað í fjórtán leikjum.