Watford hefur áhuga á að fá Heiðar á lánssamningi

Enska b-deildarfélagið Watford hefur sett sig í samband við QPR, sem leikur í sömu deild, um að fá landsframherjann Heiðar Helguson í sínar raðir á láni í þrjá mánuði.

„Watford hefur látið okkur vita af áhuga sínum á Heiðari og ég hef sjálfur talað við leikmanninn og við munum tala betur saman á næstu dögum," segir knattspyrnustjórinn Jim Magilton hjá QPR í viðtali ivð Ealing Gazette.

Heiðar lék með Watford á árunum 2000-2005 við góðan orðstír og skoraði þá 64 mörk fyrir félagið.