Fullyrt að Davíð verði ritstjóri Morgunblaðsins

Fréttavefurinn Eyjan fullyrðir að Davíð Oddsson, fyrrverandi forsætisráðherra og seðlabankastjóri, verði næsti ritstjóri Morgunblaðsins. Ákvörðun um þetta veðri væntanlega tekin formlega á stjórnarfundi hjá Árvakri, útgáfufélagi Morgunblaðsins, á miðvikudaginn. Davíð hefur áður verið þingfréttaritari Morgunblaðsins á árunum 1973-1974.

Óskar Magnússon, útgáfustjóri Morgunblaðsins, vildi ekki staðfesta það í samtali við fréttastofu Stöðvar 2 og Vísis fyrir stundu að Davíð yrði ritstjóri.

Ritstjóri Eyjunnar er Guðmundur Magnússon sem var náinn samverkamaður Davíðs um árabil.