Þjóðleikhússtjóri skipaður innan skamms

Starfshópur sem Katrín Jakobsdóttir, menntamálaráðherra, skipaði til að ræða við umsækjendur sem sóttu um stöðu Þjóðleikhússtjóra skilar af sér umsögn fyrir lok vikunnar. Í framhaldinu mun ráðherrann skipa í stöðuna.

Alls sóttu níu um stöðu Þjóðleikhússtjóra þegar staðan var auglýst í sumar. Þjóðleikhúsráð mat Tinnu Gunnlaugsdóttur, núverandi leikhússtjóra og Þórhildi Þorleifsdóttur, leikstjóra og fyrrum leikhússtjóra Borgarleikhússins, hæfastar og aðra umsækjendur hæfa.

Fjórir umsækjendur andmæltu umsögn Þjóðleiksráðs. Þá var kvartað yfir því að ráðið hefði ekki tekið viðtal við umsækjendur. Í framhaldinu skipaði Katrín starfshóps til að ræða við alla umsækjendurna. Þeim viðtölum líkur á morgun og í framhaldinu mun starfshópurinn setja saman umsögn sem verður skilað til ráðherra síðar í vikunni.

Auk Tinnu og Þórhildar sóttu Ari Matthíasson, Hlín Agnarsdóttir, Páll Baldvin Baldvinsson, Kolbrún Halldórsdóttir, Hilmar Jónsson, Magnús Ragnarsson og Sigurður Kaiser um stöðuna.