Portsmouth reynir að fá Zaki

Samkvæmt umboðsmanni Egyptans Amr Zaki er hann nú í viðræðum við enska úrvalsdeildarfélagið Portsmouth um félagsskipti fyrir framherjann til Englands.

Zaki var í láni hjá Wigan á síðasta tímabili og vakti nokkra athygli, sér í lagi framan af tímabili.

„Viðræður hafa staðið undanfarna þrjá daga og talað er um að Amr komi til félagssins á árslánssamning," er haft eftir umboðsmanninum Nadir Sawqi.

Forráðamenn Portsmouth leita nú að framherja til þess að fylla skarð Peter Crouch sem fór til Tottenham.