Guðjón stýrði Crewe til sigurs á Birmingham

Guðjón Þórðarson og lærisveinar hans í Crewe Alexandra unnu flottan sigur á úrvalsdeildarliði Birmingham í kvöld 4-1. Þetta var síðasti æfingaleikur Crewe fyrir komandi tímabil í ensku 3. deildinni.

Birmingham komst yfir í leiknum en Crewe skoraði þrjú mörk á átta mínútna kafla og tók forystuna. Á heimasíðu félagsins segir að þetta hafi hiklaust verið besta frammistaða liðsins í sumar.

Fleiri æfingaleikir voru á Englandi í kvöld. Grétar Rafn Steinsson lék fyrri hálfleikinn fyrir Bolton sem gerði 1-1 jafntefli við skoska liðið Hearts. Wolves vann Schunthorpe 4-2, Everton tapaði 1-2 fyrir Blackpool og Sunderland vann Peterborough 2-0 svo eitthvað sé nefnt.