Terry: England getur orðið heimsmeistari

Gott gengi enska landsliðsins undir stjórn Fabio Capello hefur orðið þess valdandi að Englendingar hafa fulla trú á sínu liði fyrir HM sem fram fer næsta sumar.

John Terry er þeirra á meðal.

„Ef við höldum áfram að spila svona þá getum við ekki útilokað þann möguleika að við vinnum HM," sagði Terry brattur.

Leikmenn landsliðsins segjast vera enn hungraðri í árangur eftir að hafa mistekist að komast á EM 2008.

„HM er fyrir aftan eyrað á öllum leikmönnum liðsins. Við þurfum enn að vinna einn leik til viðbótar en næsta ár verður mikilvægt ár hjá öllum enskum leikmönnum.

Við ætlum okkur að vera í toppformi þegar HM brestur á. Þannig getum við náð þeim árangri sem við stefnum á að ná."