Usain Bolt segist hafa hjálpað United að komast á sigurbraut

Usain Bolt hefur greint frá því að hann átti samtal við Sir Alex Ferguson, stjóra Manchester United, eftir að liðið tapaði óvænt fyrir Burnley í ensku úrvalsdeildinni í síðasta mánuði.

United vann svo 5-0 sigur á Wigan í næsta leik og segir Bolt að Ferguson hafi komið sínum skilaboðum til leikmanna fyrir leikinn.

„Ég hringdi í Alex og sagði honum að það kæmi ekki til greina að tapa vegna þess að ég hef verið að vinna. Hann talaði bara við strákana og sagði þeim hvernig þeir ættu að ganga í málið."

„Fyrst og fremst vil ég þakka strákunum fyrir að hafa unnið leikinn," sagði Bolt í samtali við breska fjölmiðla.