Mido snýr aftur til heimalands síns

Framherjinn Mido hjá Middlesbrough hefur ákveðið að snúa aftur á fornar slóðir og hefur samþykkt árs lánssamning við Zamalek í Egyptalandi en leikmaðurinn hefur verið að leita eftir því að komast í burtu frá Middlesbrough eftir að félagið féll úr ensku úrvalsdeildinni á síðustu leiktíð.

Zamaleik borgar 4 milljónir punda fyrir lánssamninginn og þarf svo að borga eina milljón punda í viðbót vilji félagið kaupa Mido í lok lánstímans.

Mido hefur farið víða á þeim níu árum sem hann hefur leikið í Evrópu en hann hefur spilað fyrir átta félög á þessum árum. Auk Middlesbrough eru það Gent, Ajax, Celta Vigo, Marseille, Roma, Tottenham og Wigan.