Innlent

Slys á Miklubraut: Bláedrú handtekin fyrir ölvunarakstur

Hafsteinn Gunnar Hauksson skrifar
Nissan Patrol jeppinn, sem stúlkan missti stjórn á, dúndraði í gegn um vegagrindverk á Miklubrautinni.
Nissan Patrol jeppinn, sem stúlkan missti stjórn á, dúndraði í gegn um vegagrindverk á Miklubrautinni. Mynd/Sævar
Stúlkan sem lögregla handtók í dag grunaða um ölvun við akstur eftir slys á Miklubrautinni reyndist hvorki undir áhrifum áfengis né fíkniefna, heldur þvert á móti bláedrú.

Líkt og Vísir greindi frá í dag var hún sett í handjárn og færð í aftursæti lögreglubifreiðar. Að sögn vakthafandi aðalvarðstjóra er slíkt gert til að tryggja bæði öryggi grunaðra og lögreglumanna. Um vinnureglur sé að ræða. Henni var sleppt fljótlega eftir að kom í ljós að hún var ekki undir áhrifum.

Varðstjóri segir stúlkuna hafa gefið þá skýringu að hún hefði verið þreytt og annars hugar þegar hún missti stjórn á bílnum, en hún gaf svipaða skýringu á slysinu í samtali við Vísi í dag.




Tengdar fréttir

Grunuð um ölvunarakstur: Var að hugsa um eitthvað annað

Ökumaður á leið Miklubraut í austurátt missti stjórn á bíl sínum klukkan rúmlega eitt í dag og hafnaði uppi á stétt hinu megin við akrein úr mótstæðri átt eftir að hafa keyrt í gegnum grindverk.




Fleiri fréttir

Sjá meira


×