Wenger hefur logið að fjölmiðlum

Arsene Wenger, stjóri Arsenal, viðurkennir í samtali við Daily Mail að hafa á stundum sagt ósatt í fjölmiðlum þegar leikmenn hans hafa lent í vafasömum atvikum á vellinum.

Wenger segist hafa notað þá taktík að segjast ekki hafa séð hlutina þegar hann hafi hreinlega ekki getað varið sinn leikmann.

„Það er af því að maður er að hugsa af hverju í fjandanum leikmaðurinn hafi gert þetta. Þá getur maður ekki útskýrt málið í fjölmiðlum. Stundum hef ég séð atvikin en sagt í viðtölum að ég hafi ekki séð þau til að vernda leikmanninn," sagði Wenger.

„Þjálfari er til þess að hjálpa. Hann verður að hugsa að ef hann hjálpi á réttan hátt muni leikmenn bregðast vel við því sem hann gerir."