Lögregla hafði afskipti af prófsvindlara

Eins og flestir vita eru verkefni lögreglunnar af ýmsum toga og sum er óvenjulegri en önnur. Það átti sannarlega við á dögunum þegar óskað var eftir lögregluaðstoð á ónefndum stað á höfuðborgarsvæðinu. Þar hafði staðið yfir próf í ótilgreindu fagi og einn nemandinn orðið uppvís að svindli. Mun viðkomandi hafa haft svindlmiða meðferðis en það er með öllu óheimilt eins og gefur að skilja.

Þetta kemur fram í tilkynningu frá lögreglunni. Þá segir ennfremur að svindl á prófi séu ekki beinlínis lögreglumál en í þessu tilviki hafi sprottið upp deilur vegna prófgjaldsins. Svindlarinn hafi greitt það samviskusamlega en hafi viljað fá það endurgreitt þegar honum var gert að yfirgefa prófstaðinn. Á það var hinsvegar ekki fallist og kom til orpahnippinga.

„Eftir nokkrar fortölur tókst að vísa nemandanum út en lögreglu er ekki kunnugt um hvort hann hafi reynt að þreyta prófið öðru sinni."