Paddy Kenny dæmdur í níu mánaða langt bann

Enska knattspyrnusambandið staðfesti í dag að markvörðurinn Paddy Kenny hjá Sheffield United hafi verið dæmdur í níu mánaða langt keppnisbann fyrir að hafa fallið á lyfjaprófi eftir leik gegn Preston í úrslitakeppni b-deildarinnar á Englandi á síðasta keppnistímabili.

Í lyfjaprófi hins 31 árs gamla Kenny kom fram of hátt magn af lyfinu Ephedrine en efnið er t.d. að finna í ýmsum orkudrykkjum.

Frægasta dæmi þess að leikmaður hafi verið settur í bann vegna óhóflegrar Ephedrine notkunnar var þegar goðsögnin Diego Maradona var sendur heim af HM í Bandaríkjunum árið 1994 eftir að hafa fallið á lyfjaprófi.