Þursaflokkurinn flýgur norður með einkaþotu

Það hafa fleiri en ráðherrar ríkisstjórnarinnar stokkið á hugmyndina um einkaþotur til að spara tíma. Þursaflokkurinn heldur norður til Akureyrar á einni slíkri nú um helgina.

Þeir fá sína þotu að vísu lánaða og þurfa ekki að borga fyrir hana. Tómas Tómasson bassaleikari Þursaflokksins andvarpar af feiginleik yfir þotunni og segir að hún muni spara Þursaflokknum hálfan tíma hvora leið.

Uppselt er á báða tónleika Þursaflokksins á Græna hattinum og því verða haldnir aukatónleikar en næstum er uppselt á þá einnig.