Ólafur F. komst ekki á Gaukshreiðrið

„Ólafi var að sjálfsögðu boðið, en kom ekki," segir Guðjón Sigvaldason, leikstjóri Gaukshreiðursins sem Leikfélag fatlaðra frumsýndi á laugardaginn. Borgarstjórinn mun að sögn Guðjóns hafa boðað forföll, en ætla má að hann hafi öðrum hnöppum að hneppa á fyrstu dögum sínum í embætti.

Gríðarleg ánægja var með verkið, sem var frumsýnt fyrir fullu húsi í Halanum, aðstöðu leikhópsins í Hátúni 12.

Ólafur var ekki einn um að forfallast. Guðjón segir það venju að bjóða borgarstjóra, forseta og fleiri framámönnum, en Þórólfur Árnason fyrrverandi borgarstjóri var sá eini sem mætti.

Ekki er á Guðjóni að heyra að hann sé sár út í borgarstjórann, hann segir það geta komið fyrir að fólk komist ekki. „Ég vonast bara til að sjá hann síðar hjá okkur."

Áætlað er að sýna verkið fram í mars, og er allar nánari upplýsingar að finna á halaleikhopurinn.is