Nauðgari datt í lukkupottinn

Dæmdur kynferðisafbrotamaður í Massachussets datt í lukkupottinn þegar hann keypti vinningsmiðann í ríkislottóinu. Maðurinn vann hvorki meira né minna en 670 milljónir króna í sinn hlut en sigrinum fylgja nokkur vandræði því yfirvöld hafa viljað ná af honum tali síðustu árin.

Hinn 56 ára gamli vinningshafi hefur margoft verið dæmdur fyrir nauðgun á síðustu áratugum síðast þegar hann kom fyrir dóm var honum skipað að tilkynna yfirvöldum ef hann hyggðist flytja búferlum. Það gerði hann hins vegar ekki og hefur lögreglan ekki haft hugmynd um hvar hann var, þangað til núna.