Redknapp fékk óblíðar móttökur

Harry Redknapp var gerður að heiðursborgara Hampshire í dag fyrir að stýra Portsmouth til bikarmeistaratitils á síðustu leiktíð. Hann fékk þó óblíðar móttökur frá stuðningsmönnum félagsins þegar hann tók við viðurkenningunni í dag.

Baulað var á Redknapp sem yfirgaf Portsmouth fyrir Tottenham um síðustu helgi. „Júdas" var meðal annars öskrað á hinn 61. árs Redknapp á athöfninni í dag. „Farðu niður af sviðinu," kallaði einn áhorfandinn en Redknapp hristi bara hausinn.

Eftir að hafa fengið viðurkenninguna sagðist Redknapp vera stoltur en tileinkaði þó öllu liðinu þessa nafnbót. „Ég var bara hluti af góðu liði sem náði að vinna þennan FA bikar," sagði Redknapp.