Rooney raulaði með Westlife

Knattspyrnukappinn Wayne Rooney er sagður eiga séns í poppbransanum ef fótboltinn gengur ekki upp. Í brúðkaupi Rooney og Colleen á Ítalíu var hápunktur veislunnar þegar drengurinn stökk upp á svið og renndi í gegnum eitt lag með strákabandinu Westlife.

Grúppan sú er víst uppáhaldshljómsveit Colleen og Rooney sá til þess að þeiri kæmu fram í veislunni henni til heiðurs. Ekki nóg með það heldur kom hann öllum á óvart með því að syngja eins og engill með Westlife drengjunum smellinn þeirra "Swear It Again."

Það er því aldrei að vita nema Rooney snúi sér að söngnum í framtíðinni.