Tottenham í viðræðum við Arshavin

Umboðsmaður rússneska landsliðsmannsins Andrei Arshavin segist vera í viðræðum við forráðamenn Tottenham sem hafi áhuga á að kaupa leikmanninn frá Zenit í Pétursborg.

Umboðsmaðurinn segir að enn sé langt í land með að ná samningum, en talið að er fjöldi stórliða í Evrópu séu á höttunum eftir hinum 27 ára gamla Arshavin eftir að hann gerði gott mót á EM í sumar.

"Andrei hefur gert forráðamönnum Zenit það ljóst að hann vilji fara frá félaginu og þá helst til Tottenham. Félagið vill hinsvegar fá háar upphæðir fyrir hann og það gæti skapað vandamál," sagði umboðsmaðurinn í samtali við Sky í dag.