WBA að fá spænskan miðjumann

West Bromwich Albion er að fá spænska miðjumanninn Borja Valero frá Real Mallorca en kauðverðið er tæplega fimm milljónir punda. Þessi 23 ára leikmaður mun væntanlega skrifa undir fjögurra ára samning.

„Það er búið að ná samkomulagi við West Brom og við erum virkilega ánægðir með það," sagði umboðsmaður leikmannsins, Martan Paledes. „Borja hlakkar til að takast á við þá áskorun að leika í ensku úrvalsdeildinni."

Valero er uppalinn hjá Real Madrid og á nokkra leiki að baki með aðalliði félagsins. Hann var hinsvegar leystur undan samningi í fyrra og skrifaði þá undir samning við Real Mallorca. Tony Mowbray, stjóri WBA, heillaðist af Valero í æfingaleik gegn Mallorca í sumar.