Tommy Lee sletti úr klaufunum á B5

Tommy Lee, trommari Mötley Crue og fyrrverandi eiginmaður strandvarðarins Pamelu Andersson gerði sér glaðan dag í Reykjavík um helgina þrátt fyrir að erfiðlega hafi gengið að ná til höfuðborgarinnar eins og frægt er orðið.

Rokkarinn gisti við góðan kost á 101 hótel í miðbænum og sló ekki slöku við í skemmtanahaldinu. Eftir vel heppnaða uppákomu á NASA á föstudagskvöldið fór hann út á lífið á laugardaginn. Hann mætti í kjallarann á B5 og skemmti sér konunglega að því er heimildarmenn Vísis segja. Kappinn sló hvergi slöku við og sletti úr klaufunum eins og rokkara er siður.