Barmby: Tilbúnir í úrvalsdeildina

Nick Barmby segir að ekki verði hægt að bóka nein stig gegn Hull City á næsta leiktímabili. Liðið komst í fyrsta sinn í úrvalsdeildina með sigri í umspili 1. deildarinnar síðasta tímabil.

Flestir búast við því að Hull muni hrynja niður strax aftur niður í 1. deildina en Barmby, fyrrum leikmaður Liverpool og Middlesbrough, er fullur bjartsýni.

„Við vitum það vel að tímabilið verður erfitt," sagði Barmby sem orðinn er 34 ára. „Þetta verður samt líka erfitt fyrir fleiri lið. Við erum ekki mættir í þessa deild bara til að skemmta okkur. Við ætlum að gera þetta að góðu tímabili."