Ljóst að Chelsea fær ekki Robinho

Umboðsmaður brasilíska sóknarmannsins Robinho segir ljóst að leikmaðurinn fari ekki til Chelsea þetta árið. Chelsea hefur verið í viðræðum við Real Madrid um leikmanninn en þær hafa ekki þokast í rétta átt.

Real Madrid ætlar ekki að selja Robinho sem á tvö ár eftir af samningi sínum. Wagner Ribeiro er umboðsmaður hans og segir að forráðamenn spænska liðsins hafi ekki einu sinni áhuga á að hlusta á tilboð Chelsea.

Robinho er talinn vera ósáttur með hugmyndir forráðamanna Real Madrid um að bjóða sig til Manchester United í tilraunum Madridinga til að krækja í Cristiano Ronaldo.