Hafði mök við lík en neitar morði

Kokkur sem sakaður er um að myrða Sally Anne Bowman unglingafyrirsætu sagði við réttarhöld í London í dag að hann hefði haft mök við líkið í mikilli áfengis-og fíkniefnavímu, en hafi ekki myrt hana.

Hinn 37 ára Mark Dixie segist hafa labbað fram á lík Bowman milli sendibifreiðar og gáms eftir að hann fór út til að kaupa kókaín um miðja nótt.

Hann sagði við réttarhöldin í dag að hann hefði verið á fylleríi og fíkniefnavímu í fjóra daga og hefði ekki áttað sig á því að stúlkan væri látin. Hann sagðist ennfremur ekki hafa tekið eftir blóðinu sem var í kringum líkið. Þegar hann áttaði sig á því að Bowman var látin hafi hann fengið áfall og hlaupið heim til sín þar sem hann reykti kannabis til að róa sig niður, svaf í nokkra klukkutíma og fór svo út og hélt áfram að drekka.

Saksóknari hafði áður sakaði Dixie um að myrða stúlkuna til þess að misnota hana kynferðislega. Síðan hafi hann í örvæntingu soðið saman fáránlega vörn.

Bowman vann sem hárgreiðslukona og var fyrirsæta í hlutastarfi áður en hún lést. Hún var stungin fyrir utan heimili sitt í Croydon í suðurhluta London í september árið 2005.