Deco biður Lampard um að fara ekki

Deco hefur biðlað til Frank Lampard að vera áfram hjá Chelsea og hjálpa liðinu að vinna Meistaradeildina. Lampard er orðaður við ítalska liðið Inter og hefur forseti félagsins, Massimo Moratti, sagt að Lampard vilji ganga til liðs við Ítalíumeistarana.

„Frank er frábær leikmaður. Ég hef oft keppt gegn honum og hef líka séð hann á æfingum. Það er frábært að fylgjast með honum því vinnusemin er eins og best verður á kosið. Ég hlakka til að spila með honum," sagði Deco sem gekk til liðs við Chelsea í sumar.

„Ég er ekki viss um hvort hann verði áfram en það væri frábært. Þú þarft að hafa frábæra leikmenn til að vinna Meistaradeildina og hann er svo sannarlega frábær leikmaður."