Höfuðlaust lík fannst í London

Höfuðlaust lík manns fannst bakvið verslun í norðvesturhluta Lundúna í gær. Samkvæmt heimildum Sky fréttastofunnar var höfuðið tekið af eftir að maðurinn dó.

Krufning hefur ekki leitt í ljós dánarorsök en vitað er að líkið var nakið þegar það fannst. Það var vafið inn í teppi í kassa sem smásalar nota gjarnan til að flytja vörur í.

Lögregla mun ekki vita hversu lengi líkið lá á staðnum. Það bendir til að einhver tími hafi liðið og líkið hafi rotnað talsvert.

Málið er til rannsóknar hjá deild innan Scotland Yard sem sér um alvarleg morðmál.