Jeremy Clarkson kemur ekki – veðurtepptur í London

Jeremy Clarkson einn umsjónarmanna þáttarins Top Gear, ætlaði að koma til landsins í dag til þess að vera viðstaddur sérstaka forsýningu í Laugarásbíó í kvöld. Hann er hinsvegar veðurtepptur í London og kemur ekki til landsins.

Clarkson var mættur út á Heathrow þar sem hann beið eftir flugi til Íslands en einhver seinkun var á vélinni út. Eftir samtal við forsvarsmenn Arctic Trucks var tekin ákvörðun um að blása ferðina af, þar sem hann hefði ekki náð hingað til lands í tæka tíð.

Hann mun því ekki verða viðstaddur sérstaka forsýningu á þætti sem átti að sýna um ferð þeirra Top Gear-manna á Norðurpólinn. En það var Arctic Trucks sem sá um að breyta bílunum sem fóru á pólinn.