Vantar nýjustu Die Hard myndina í safnið

„Nei, ég á þessa mynd ekki á DVD og þess vegna ekki allt safnið," segir Björn Bjarnason dómsmálaráðherra aðspurður hvort hann sé búinn að fá sér nýjustu Die Hard myndina á DVD.

Í ljósi þess að nýjasta myndin, Die Hard 4.0, er nýkomin út á DVD ákvað Vísir að spyrja Björn sem er mikill aðdáandi myndanna hvort hann væri búinn að fá sér þá nýjustu.

Svo virðist ekki vera. Björn er hinsvegar yfirlýstur aðdáandi Bruce Willis og Die Hard myndanna og hefur rætt aðdáun sína á leikaranum margoft opinberlega.

Björn mun þó vera búinn að sjá nýjustu myndina, og fór hann á hana í bíó.