Dirty Harry snýr aftur

Það eru nú þrjátíu og sjö ár síðan Clint Eastwood lék Dirty Harry Callahan í fyrsta skipti. Fram til 1988 gerði hann fimm myndir með þessum harðsnúna lögreglumanni.

Nú er sterkur orðrómur á kreiki um að sjötta Dirty Harry myndin líti dagsins ljós í desember.

Mikil leynd hefur hvílt yfir töku myndarinnar og hvorki Eastwood né Warner Brothers vilja staðfesta eitt eða neitt. Samkvæmt orðróminum er söguþráðurinn á þá leið að Harry er sestur í helgan stein.

Hann pússar hinsvegar rykið af sinni ægilegu 44 Magnum skammmbyssu þegar tveir lögregluþjónar eru myrtir. Annar þeirra var barnabarn Harrys.

Nafnið á myndinni er sagt vera Gran Torino. Gran Torino var bíll sem Ford verksmiðjurnar framleiddu á sjöunda áratugnum.

Nafnið mun til komið vegna þess að morðinginn keyrir um á gömlum Gran Torino.