Dyravörður sýknaður af líkamsárás

Dyravörður á skemmtistaðnum Casino í Keflavík var í Héraðsdómi Reykjaness í dag sýknaður af ákærum um að hann hefði kýlt einn gest skemmtistaðarins með þeim afleiðingum að hann rotaðist og marðist víða um líkamann.

Ekki þótti sannað að dyravörðurin hefði kýlt manninn en hann átti í átökum við dyraverði sem, vildu vísa honum og félögum hans út af staðnum.

Í þeim átökum féll maðurinn niður stiga. Þar sem framburðir vitna voru á reki taldi héraðsdómur að ekki væri hægt að útiloka að maðurinn hefði hlotið áverkana sína við fallið en ekki vegna hnefahöggs sem sum vitni sögðust hafa séð en önnur ekki.