Pizzustaðurinn í Bramming var fíkniefnabúlla

Pizzastaðurinn í smábænum Bramming á Jótlandi sem eyðilagðist í sprengingu og eldsvoða fyrr í mánuðinum var fíkniefnabúlla.

Þetta kemur fram í Ekstra Bladet í dag en blaðið hefur talað við fjölda bæjarbúa um málið. Þeir segja að umfangsmikil fíkniefnasala með dóp af öllu tagi hafi farið fram á pizzastaðnum.

Eigandi staðarins hefur verið handtekinn og úrskurðaður í fjögurra vikna gæsluvarðhald. Ung kona sem átti heima á hæðinni fyrir ofan pizzustaðinn fórst í eldsvoðanum og er andlát hennar rannsakað sem morð.