Eldsvoði í Hrafnhólum

Eldur kviknaði í íbúð á annarri hæð í átta hæða fjölbýlishúsi í Hrafnhólum í Breiðholti í morgun. Allt tiltækt lið Slökkviliðsins var kallað út rétt eftir klukkan tíu og hefur þegar slökkt eldinn í íbúðinni sem var mannlaus. Mikinn reyk lagði frá íbúðinni og inn í stigahúsið.

Slökkvilið óskaði eftir aðstoð Rauða krossins til að sjá um áfallaþjónustu og fékk strætisvagn fyrir íbúa hússins. Send voru út boð til allra íbúa hússins að halda sig inni þar til slökkvilið kæmi vegna reyksins í stigaganginum.

Enginn var fluttur á slysadeild vegna reykeitrunar.