Villi sendur heim

Bubbi sendi Vilhjálm Örn Hallgrímsson heim í kvöld. Þar með er ljóst að hann mun ekki verða meðlimur í Bandinu hans Bubba, sem keppnin snýst að sjálfsögðu um. „Villi ég sagði fyrr í kvöld að mér fyndist staða þín alls ekki góð og það hefur ekkert breyst. Þú ferð heim," sagði Bubbi við Villa.

Ákvörðun mæltist ekki sérstaklega vel fyrir á meðal dómnefndar. „Vertu bara duglegur að syngja fyrir píurnar heima," sagði Villi naglbítur. Hann, Björn Jörundur og Svala Björgvinsdóttir gestadómari voru öll sammála um að Villi ætti sér framtíð í tónlistinni.

Bubbi byrjaði kvöldið með stæl, tók lagið og sýndi keppendum hvernig á að gera þetta.