Skorað á Kínverja að sleppa mótmælendum úr haldi

Evrópusambandið skorar á Kínverja að sýna stillingu í Tíbet í kjölfar ofbeldisöldu sem gengið hefur yfir Lhasa, höfuðborg Tíbets í dag. Kínverjar hafa tekið hart á mótmælendum sem krefjast sjálfstæðis.

Slóvenar, sem nú gegna forystu í Evrópusambandinu, sömdu ályktun í þremur liðum sem samþykkt var á fundi í Brussel í dag. Þar er meðal annars farið fram á það við Kínverja að þeir sleppi þeim einstaklingum úr haldi sem mótmælt hafa hernámi Kínverja í Tíbet síðustu daga.