Fjögur hundruð kengúrur drepnar til að forðast gróðureyðingu

Dýraverndunarsinnar í Ástralíu eru æfir eftir að ríkisstjórnin þar í landi ákvað að fella 400 kengúrur í kringum höfuðborgina Canberra til að koma í veg fyrir gróðureyðingu.

Kengúrustofninn á svæðinu telur alls sex þúsund kengúrur og stóð upphaflega til að grisja hálfan stofninn en hætt var við þau áform sökum andstöðu dýraverndunarsamtaka.

Umhverfisráðherrann Peter Garrett er undir miklum þrýstingi vegna málsins en hann er svarinn andstæðingur hvalveiða en segir þó að slátrun kengúranna sé á engan hátt sambærileg við hvalveiðar.