Dettur Vilhjálmur út í kvöld?

Ellý Ármanns spáir því að Vilhjálmur detti úr í Bandinu hans Bubba í kvöld, en hann slapp naumlega frá vist í „grafhýsi frægðarinnar" í síðustu viku, þegar Birgir fékk reisupassann. Hún opnaði í dag vefsíðu sína Spámaður.is á ný eftir langt hlé, og dró af því tilefni spil fyrir keppendurna. Vilhjálmur Örn Hallgrímsson - Vandamál birtist

5 stafir

Dagleg smávægileg vandamál kunna að angra Vilhjálm um þessar mundir. Honum er bent á að vandamál þessi eru langt frá því að vera honum þungbær en honum kann að finnast tími sinn of verðmætur fyrir vangaveltur sem tengjast vandanum. Þó virðast þessi mál veita honum fullnægju þegar hann tekst að við átökin af óskiljanlegum ástæðum að hans mati.

Hann mætti huga betur að því hvernig hann getur breytt þessari umtöluðu reynslu í ávinning. Reynsla hans styrkir hann vissulega. Birna Sif Margrétardóttir - Þráir að klára kaflann

XII - Hangandi maður

Birna Sif berst fyrir ljósi en er ekki fær um að finna það fyrr en hún hefur viðurkennt myrkrið. Hún er ein af þeim sem er sátt en ekki sjálfsánægð og hún veit að ef hún afneitar eðli sínu og sínum innstu þrám verður hún ákaflega háð þeirri afneitun. Hún virðist vera reiðubúin að leggja sig fram af alhug þegar kemur að verkefni sem hún stendur frammi fyrir sem í þessu tilfelli er flutningur hennar í kvöld. Hún þráir að klára kaflann og telur jafnframt að framhaldið verði betra að öllu leyti með persónulegar þarfir hennar í huga. Eyþór Ingi Gunnlaugsson - Uppsker í samræmi við trúna

9 sverð

Eyþór Ingi ætti ekki að leyfa hindrunum fortíðar að eyðileggja annars góðar stundir sem atburðir nútíðar hafa upp á að bjóða. Hann á það til að taka nærri sér skoðanir annarra en það tefur aðeins fyrir honum og velferð hans. Kvíði virðist einkenna líðan Eyþórs varðandi framhaldið en ég bendi honum á að hann er fullkomlega fær um að hreinsa allar hindranir úr vitund sinni. Neikvæðni felur eingöngu í sér frækorn eigin tortímingar og það veit hann reyndar. Hann uppsker alfarið í samræmi við trú sína.

Arnar Már Friðriksson - Má ekki efast um framhaldið

2 stafir

Ég ráðlegg honum að skilgreina drauma sína, áætlanir og tilgang í lífinu áður en hann ákveður hvað skal verða. Framtíðin sýnir stöðuhækkun og batnandi aðstæður en einnig er augljóst samhengi milli líðan Arnars sem tengist sjálfstrausti hans og velgengni framtíðar. Hann má hvorki leyfa sér að efast um framhaldið né frama sem er um það bil að breytast til batnaðar.

Thelma Hafþórsdóttir - Ætlað stærra hlutverk

8 stafir

Talan fjórir margfölduð með tveimur segir til um fjárhagslegt öryggi og jafnvægi. Áttan táknar veraldleg gæði sem í þessu tilfelli tengjast líðan Thelmu á jákvæðan hátt. Henni er ráðlagt að treysta því að hlutirnir verði eins og hún ein vill og að henni sé ætlað stærra hlutverk en hún sinnir í dag. Endir er á bið sem hefur einkennt umhverfi hennar og líðan nýverið. Útkoman uppfyllir óskir hennar og þrár. Málin taka stökkbreytingum á skömmum tíma. Hjálmar Már Kristinsson - Allt fer vel

Myntás

Athafnasemi Hjálmars er til staðar og hann bregst skjótt við því hjartað leiðir hann áfram. Umfram allt ætti hann að treysta og endurgjalda tryggð. Hér upplifir hann sannar tilfinningar og birtist tápmikill og aðlaðandi sökum orkunnar sem umlykur hann. Allsherjarvilji tilveru hans ætlar honum að upplifa sanna upplifun þar sem þolinmæði og biðlund einkenna líðan hans og hann er fær um að treysta þessum takmarkalausa mætti sem býr innra með honum fyrir framvindunni.