Engin bein tengsl milli Saddams og al-Qaida

Engin bein tengsl voru á milli Saddams Hussein, fyrrverandi forseta Íraks, og al-Qaida hryðjuverkasamtakanna eins og George Bush Bandaríkjaforseti og samverkamenn hans héldu fram ítrekað.

Þetta leiðir ný rannsókn bandaríska varnarmálaráðuneytisins í ljós en vitnað er til hennar á vef breska blaðsins Guardian. Þetta er í fyrsta sinn sem hermálayfirvöld í Bandaríkjunum viðurkenna að engin tengsl hafi verið á milli forsetans fyrrverandi og hryðjuverkasamtakanna en sú staðhæfing var meðal helstu röksemda Bandaríkjarstjórnar fyrir innrásinni í Írak árið 2003.

Alls skoðuðu starfsmenn bandaríska varnarmálaráðuneytisins yfir 600 þúsund skjöl frá Bretlandi og í Bandaríkjunum sem fundust eftir innrásina í mars 2003. Enn fremur kemur fram á vef Guardian að yfirmenn í Pentagon hafi reynt að koma í veg fyrir að skýrslan yrði birt enda þykir hún í meira lagi neyðarleg fyrir Bush-stjórnina.

Höfundar skýrslunnar tilheyra svokallaðir greiningarstofnun varnarmála, sem telst óháð, og komust þeir aðeins að því að ríkisstjórn Saddams hefði stutt hópa palestínskra hryðjuverkamanna en enga al-Qida liða. Saddam hafi fyrst og fremst beitt kröftum sínum gegn írökskum uppreisnarhópum, innan og utan Íraks.