Óveður gengur enn yfir Bretland

Mikið hvassviðri heldur áfram að ganga yfir Bretland og valda tjóni. Vörubílar fjúka um koll og tré rifna upp með rótum. Skipuleggjendur Cheltenham kappaksturshátíðarinnar ákváðu að aflýsa öðrum degi kappakstursins. Sömu sögu er að segja af veðreiðum í Gloucesterskíri þar sem búist var við 55 þúsund manns.

Engan sakaði þegar að minnsta kosti fjórir vörubílar fuku um koll annars staðar á landinu. Kona slasaðist þegar ljósastaur fell á bifreið hennar þar sem hún keyrði eftir vegi í Manchester.

Sterkir vestlægir vindar frá Atlantshafi hafa einnig orsakað snjókomu á norðurhluta Englands og suðurhluta Skotlands.

Breska veðurstofan hefur gefið út stormviðvörun á flestum stöðum landsins. Hún segir truflun á umferð og rafmagni mögulega. Allt að 12 þúsund heimili voru rafmagnslaus á Írlandi og fjöldi ferjusiglinga voru felldar niður.

Umhverfisstofnun hefur einnig gefið út flóðviðvaranir.